2019 წლის დეკემბრის მონაცემების თანახმად, საქართველოში ფასები თითქმის ყველაფერზე გაიზარდა. 2018 წლის დეკემბერთან შედარებით, მარტო ტანსაცმელი, ფეხსაცმელი (–4,2%) და კავშირგამბულობა (–1,4%) გაიაფდა.
კვების პროდუქტები და უალკოჰოლო სასმელები 12,3%-ით, ალკოჰოლური სასმელები და თამბაქო კი 15,6%-ით გაძვირდა.
ფასების ზრდა დაფიქსირდა ხილსა და ყურძენზე (+31,9%), ასევე თამბაქოს ნაწარმზე (+30,8%).
საქართველოს ხელისუფლება თამბაქოს მოხმარების წინააღმდეგ ბრძოლას აგრძელებს – 2018 წლიდან მოწევა აკრძალულია საზოგადოებრივი თავშეყრის ადგილებში, გარდა ამისა, სისტემატურად იზრდება აქციზზე ფასები.
დასვენება, გართობა და კულტურა მთლიანობაში 6,9%-ით გაძვირდა. ფასები მომატებულია ჯანდაცვისა (+3,5%) და განათლების (+3,2%) სფეროებში.
ფასების ზრდა დაფიქსირებულია ისეთ სფეროებში, როგორიცაა სასტუმროები, კაფე და რესტორნები (7,9%) და ტრანსპორტი (+2,9%).
2019 წლის დეკემბერში, 2018 წლის ანალოგიურ პერიოდთან შედარებით, საქართველოში ინფლაციამ 7% შეადგინა.
