კახეთში მკვლელობის მცდელობისთვის ბრალდებულს 17 წლით პატიმრობა შეეფარდა

CC BY-SA 2.0 / verkeorg / 484563651მოსამართლის ჩაქუჩი
მოსამართლის ჩაქუჩი - Sputnik საქართველო, 1920, 10.06.2021
გამოწერა
გამოძიების მასალებით, ბრალდებულმა მამაკაცს დანით სხეულის სხვადასხვა არეში ჭრილობები მიაყენა და მიიმალა.

თბილისი, 10 ივნისი — Sputnik. სიღნაღის რაიონულმა სასამართლომ წარსულში ნასამართლევ მამაკაცს მკვლელობის მცდელობისთვის 17 წლით პატიმრობა შეუფარდა, ნათქვამია გენერალური პროკურატურის მიერ გავრცელებულ განცხადებაში.

დანაშაული 2020 წლის 2 სექტემბერს საგარეჯოს რაიონის სოფელ თოხლიაურში მოხდა.

პოლიცია ქუთაისში - Sputnik საქართველო, 1920, 06.06.2021
პოლიციამ ქუთაისში სამხედრო პირის დაჭრაში ბრალდებულები დააკავა

ბრალდების მხარემ დაამტკიცა სასამართლოზე, რომ განზრახ მკვლელობის მცდელობისთვის ნასამართლევმა ბ.ა.-მ, განზრახ მოკვლის მიზნით, ნ.გ.-ს დანით სხეულის სხვადასხვა არეში ჭრილობები მიაყენა და მიიმალა.

დაჭრილის გადარჩენა მხოლოდ დროულად აღმოჩენილი სამედიცინო დახმარების შედეგად მოხერხდა.

ეჭვმიტანილი დანაშაულის ჩადენიდან 9 დღის შემდეგ დააკავეს და ის თავის განაჩენს ციხეში ელოდებოდა.

ყველა ახალი ამბავი
0