სისხლიანი გარჩევა სოფელ დიღომში – დაჭრილია ოთხი ადამიანი

© photo: Sputnik / Stringerადამიანი დანით ხელში
ადამიანი დანით ხელში - Sputnik საქართველო, 1920, 11.05.2021
გამოწერა
დაპირისპირების შედეგად კონფლიქტის მონაწილე ოთხი პირი დაიჭრა. ისინი, სხვადასხვა სიმძიმის დაზიანებებით, კლინიკებში არიან გადაყვანილი.

თბილისი, 11 მაისი – Sputnik. შინაგან საქმეთა სამინისტრომ სოფელ დიღომში სროლის ფაქტზე სისხლის სამართლის საქმე აღძრა, აცნობეს „Sputnik–საქართველოს“ უწყების პრეს-სამსახურში.

პოლიცია - Sputnik საქართველო, 1920, 10.05.2021
ასპინძის მუნიციპალიტეტის ერთ-ერთ ფერმაში 40 წლამდე ასაკის მამაკაცი მოკლეს

ტელეარხ „რუსთავი2“-ის ინფორმაციით, დაჭრილია კონფლიქტის ოთხი მონაწილე. ისინი ამჟამად სხეულის სხვადასხვა სიმძიმის დაზიანებებით საავადმყოფოებში არიან მოთავსებული. ექიმებმა მათ აუცილებელი დახმარება აღმოუჩინეს, ჩატარდა გადაუდებელი ოპერაციები.

გავრცელებული ინფორმაციით, გარჩევა სოფელ დიღმის მცხოვრებლებს შორის წარსულში მომხდარ კონფლიქტს უკავშირდება. ტელეარხის ცნობით, დავის გადაჭრა საბურთალოს მცხოვრებლებმა გადაწყვიტეს, რასაც მოჰყვა საქმის გარჩევა და მოგვიანებით სროლა. საქმეში, ცეცხლსასროლი იარაღის გარდა, დანაც ფიგურირებს.

სისხლის სამართლის საქმე აღძრულია ჯანმრთელობისთვის განზრახ მძიმე ზიანის მიყენებისა და ცეცხლსასროლი იარაღის, საბრძოლო მასალების უკანონო შეძენა–შენახვა–ტარების მუხლებით.

ყველა ახალი ამბავი
0