თბილისი, 2 მაისი – Sputnik. ზუგდიდიდან-თბილისის მიმართულებით მოძრავი მატარებლის მეოთხე ვაგონი ხაშური-ზესტაფონის მონაკვეთზე, სოფელ მარელისთან ლიანდაგიდან გადავიდა, იუწყება „საქართველოს რკინიგზა“.
კომპანიის ინფორმაციით, ინციდენტის შედეგად არავინ არ დაშავებულა. მარელისში დამატებითი მატარებელი გაიგზავნა.
„ხაშური-ზესტაფონის მონაკვეთზე, სოფელ მარელისთან ზუგდიდიდან-თბილისის მიმართულებით მოძრავი მატარებლის მეოთხე ვაგონი ჯერჯერობით დაუზუსტებელი მიზეზების გამო, ლიანდაგს აცდა ორი გორგოწყვილით. შემთხვევის შედეგად არავინ დაშავებულა. ამ ეტაპზე კომპანიის მთავარი საზრუნავი მგზავრების უსაფრთხოება და მათი სხვა მატარებელში გადაყვანაა“, - ნათქვამია განცხადებაში.
„საქართველოს რკინიგზა“ შექმნილი დისკომფორტისა და დაგვიანებისთვის მგზავრებს ბოდიშს უხდის.
ვაგონის ლიანდაგიდან გადასვლის მიზეზები დგინდება.