თბილისის ერთ-ერთ აფთიაქში დიდი ოდენობით ფსიქოტროპული პრეპარატები იპოვეს

© Sputnik / Alexander Imedashviliაფთიაქი
აფთიაქი - Sputnik საქართველო, 1920, 29.04.2021
გამოწერა
სამედიცინო და ფარმაცევტული საქმიანობის რეგულირების სააგენტო სააფთიაქო ქსელების კონტროლს ყოველდღიურად ახორციელებს, განსაკუთრებული ყურადღება პირველი ჯგუფის ფარმაცევტული პროდუქტის მიმოქცევას ეთმობა

თბილისი, 29 აპრილი – Sputnik. თბილისში მიმდინარე ინსპექტირებისას ერთ-ერთ აფთიაქში იპოვეს დიდი ოდენობით ფსიქოტროპული მედიკამენტი, რომელიც მაცივრის ძრავთან იყო გადამალული, იუწყება სამედიცინო და ფარმაცევტული საქმიანობის რეგულირების სააგენტო.

დაწესებულებაში განხორციელებული კონტროლის ღონისძიების შედეგად დადასტურდა, რომ აფთიაქი ახორციელებდა უკანონო ფარმაცევტულ საქმიანობას და აღნიშნული ფსიქოტროპული ნივთიერებები დაწესებულებას კანონდარღვევით ჰქონდა მიღებული.

სპეცოპერაცია ქვემო ფონიჭალაში: ნარკოდანაშაულისათვის დაკავებულია ოჯახის 3 წევრი - Sputnik საქართველო, 1920, 27.04.2021
სპეცოპერაცია ქვემო ფონიჭალაში: ნარკოდანაშაულისათვის დაკავებულია ოჯახის სამი წევრი

უნებართვოდ არსებული, პირველ ჯგუფს მიკუთვნებული ფარმაცევტული პროდუქტი დაილუქა და ჩამოერთვა დაწესებულებას. სააგენტოს მიერ ჩამორთმეული იქნა ყველა ის მედიკამენტი, რომელთა მიღების დამადასტურებელი დოკუმენტაცია აფთიაქს არ გააჩნდა. საერთო ჯამში ამოღებულია 1087 ერთეული ფარმაცევტული პროდუქტი, რომელიც მიეკუთვნება პირველი ჯგუფის მედიკამენტებს.

დარღვევასთან დაკავშირებით შედგენილი ადმინისტრაციული სამართალდარღვევის ოქმი შემდგომი რეაგირებისთვის სასამართლოს გადაეგზავნა.

სამედიცინო და ფარმაცევტული საქმიანობის რეგულირების სააგენტო სააფთიაქო ქსელების კონტროლს ყოველდღიურად ახორციელებს, განსაკუთრებული ყურადღება პირველი ჯგუფის ფარმაცევტული პროდუქტის მიმოქცევას ეთმობა.

უწყების მონაცემებით, 2021 წლის 1 იანვრიდან 31 მარტის ჩათვლით პერიოდში, სააგენტომ 189 აფთიაქი შეამოწმა და 166 შემთხვევაში სამართალდარღვევის ფაქტი გამოვლინდა.

ყველა ახალი ამბავი
0