თბილისი, 10 აპრილი - Sputnik. ბათუმში 52 წლის ქალი, სავარაუდოდ, მისმა 23 წლის დისშვილმა დაჭრა, იუწყება ტელეარხი Imedi.
ინციდენტი გორგილაძის ქუჩაზე მდებარე საცხოვრებელ სახლში მოხდა. თვითმხილველები საუბრობენ ოჯახურ კონფლიქტზე, რომელიც ქონების გაყოფის გამო წარმოიშვა, და მომხდარში ქალის დისშვილს ადანაშაულებენ.
დაზარალებულს ზურგზე დანით მიყენებული ჭრილობა და დაზიანებული ფილტვი აქვს. ქალი რესპუბლიკურ საავადმყოფოში გადაიყვანეს, სადაც მას ოპერაცია ჩაუტარდა. მისი მდგომარეობა მძიმეა.
ექიმის თქმით, საავადმყოფოში შეყვანისას ქალმა დაადასტურა, რომ ოჯახში კონფლიქტი მოხდა.
გავრცელებული ინფორმაციით, 23 წლის მამაკაცი, რომელსაც პოლიცია ეძებს, წარსულში ნასამართლევია.
