გარდაიცვალა პაციენტი, რომელიც ბათუმის კლინიკის მესამე სართულიდან გადმოვარდა

© AP Photo / Mosa'ab Elshamyპაციენტი კლინიკაში
პაციენტი კლინიკაში - Sputnik საქართველო
გამოწერა
პაციენტს ნეკნებისა და მენჯის ძვლის მოტეხილობა აღენიშნებოდა, ამასთან გადმოვარდნის შედეგად ჰქონდა სისხლჩაქცევები მუცლის ღრუში.

თბილისი, 12 ნოემბერი – Sputnik. ბათუმის რესპუბლიკური საავამდყოფოს მესამე სართულიდან გადმოვარდნილი 73 წლის პაციენტი გარდაიცვალა. ინფორმაცია საავადმყოფოს კლინიკურმა მენეჯერმა გიგა კიკაბიძემ „პირველ არხთან“ დაადასტურა.

მისი თქმით, კორონავირუსით ინფიცირებული პაციენტი კლინიკაში ორი დღის წინ შეიყვანეს. მამაკაცს პნევმონია აღენიშნებოდა და მკურნალობას ექვემდებარებოდა.

ბათუმის რესპუბლიკური საავადმყოფო - Sputnik საქართველო
კორონავირუსით ინფიცირებული ხანდაზმული მამაკაცი ბათუმის კლინიკის ფანჯრიდან გადავარდა

„შემთხვევის დროს პალატაში მის გარდა არავინ იმყოფებოდა. პაციენტის შვილი ჩვენი თანამშრომელია. ისიც კოვიდ-ინფიცირებულია და მამას ის მეთვალყურეობდა. გადმოვარდნის შემდეგ პაციენტი რეანიმაციულ განყოფილებაში შევიყვანეთ და ჩაუტარდა სასწრაფო ოპერაცია. სამწუხაროდ, მისი მდგომარეობა მძიმე იყო“, – განაცხადა კიკაბიძემ.

საავადმყოფოს კლინიკური მენეჯერის ინფორმაციით, 73 წლის მამაკაცს გულ-მკერდის მიდამოში ორი ნეკნის, აგრეთვე მენჯის ძვლის მოტეხილობა აღენიშნებოდა. ასევე ჰქონდა მუცლის ღრუში სისხლჩაქცევები.

შემთხვევა გუშინ ბათუმის რესპუბლიკურ საავადმყოფოში მოხდა. კორონავირუსით ინფიცირებული 73 წლის მამაკაცი კლინიკის მესამე სართულიდან გადავარდა. საავადმყოფოში აცხადებენ, რომ შემთხვევის მიზეზი უცნობია.

ყველა ახალი ამბავი
0