თბილისი, 22 აგვისტო - Sputnik. ამბროლაურის მუნიციპალიტეტის სოფელ ჭელიაღელეში 30 წლამდე ასაკის მამაკაცი მოკლეს, იუწყება პირველი არხი.
გავრცელებული ინფორმაციით, მამაკაცს სხვა რაიონის მცხოვრებ ახალგაზრდებთან შელაპარაკება მოუვიდა, რომელიც ჩხუბსა და ფიზიკურ დაპირისპირებაში გადაიზარდა, რასაც მკვლელობა მოჰყვა.
შემთხვევის ადგილზე ექსპერტ-კრიმინალისტები მუშაობენ.
განზრახ მკვლელობის საქმეზე პოლიციას რამდენიმე პირი ჰყავს იდენტიფიცირებული და ამ ეტაპზე საგამოძიებო ღონისძიებები მიმდინარეობს.
მომხდარზე გამოძიება საქართველოს სსკ-ის 108-ე, განზრახ მკვლელობის მუხლით მიმდინარეობს.
