თბილისი, 24 ივლისი - Sputnik. რუსთავი-თბილისის ავტომაგისტრალზე სპეცოპერაცია მიმდინარეობს, იუწყება ტელეკომპანია Imedi.
ადგილზე მობილიზებულია სპეციალური დანიშნულების რაზმისა და კრიმინალური პოლიციის წარმომადგენლები.
სამართალდამცველებმა გზაზე მიმავალი ავტომანქანა გააჩერეს და საგამოძიებო მოქმედებები დაიწყეს.
სავარაუდოდ, საქმე ეხება ნარკოტიკების რეალიზაციის ფაქტს. ავტომობილის ჩხრეკისას ამოღებულია ნარკოტიკული საშუალებები და თანხა.
აღნიშნულთან დაკავშირებით შინაგან საქმეთა სამინისტროში ამ ეტაპზე კომენტარს არ აკეთებენ.
