ოჯახური ძალადობა ბათუმში: გაუპატიურებაში ბრალდებულს 7 წლიანი პატიმრობა მიესაჯა

© photo: Sputnik / Andrey Starostin / გადასვლა მედიაბანკშისასამართლოს ჩაქუჩი
სასამართლოს ჩაქუჩი - Sputnik საქართველო
გამოწერა
სასამართლომ განიხილა საქმის ყველა გარემოება და წარდგენილი მტკიცებულებები, გამოკითხა მხარეები და ბრალდებული დამნაშავედ ცნო

თბილისი, 30 ივნისი - Sputnik. ბათუმის საქალაქო სასამართლომ ოჯახურ თანაცხოვრებაში მყოფი პირის გაუპატიურებაში ბრალდებული ვ.ვ. დამნაშავედ ცნო და 7 წლით თავისუფლების აღკვეთა მიუსაჯა, ნათქვამია გენერალური პროკურატურის ვებგვერდზე გავრცელებულ განცხადებაში.

თბილისის საქალაქო სასამართლო - Sputnik საქართველო
საპატრულო პოლიციის ყოფილი შეფი პატიმრობაში რჩება

სასამართლომ გამამტყუნებელი განაჩენი პროკურატურის მიერ წარდგენილი მტკიცებულებების საფუძველზე გამოიტანა.

კერძოდ, სასამართლომ დაადგინა, რომ 2019 წლის 4 დეკემბერს არაფხიზელ მდგომარეობაში მყოფმა ბრალდებულმა ძალადობის გამოყენებით გააუპატიურა მასთან მცხოვრები ს.ვ.

პოლიციამ ის იმავე დღესვე დააკავა. მას წარედგინა ბრალდება სსკ-ის 137-ე მუხლის 1-ლი ნაწილით (გაუპატიურება, ჩადენილი ოჯახის წევრის მიმართ).

ხელისუფლების მიერ მიღებული ღონისძიებების მიუხედავად, ოჯახური ძალადობა საქართველოში ერთ-ერთ ყველაზე გავრცელებულ დანაშაულად რჩება. 2020 წლის პირველ ოთხ თვეში დაფიქსირდა დაახლოებით 1800 ასეთი დანაშაული, საიდანაც დაახლოებით ათასი გახსნილია.

ყველა ახალი ამბავი
0