ხანძარი ვარკეთილის ბაზრობაზე ლოკალიზებულია: ბოლო ინფორმაცია

© Sputnik / STRINGERხანძარი ვარკეთილში
ხანძარი ვარკეთილში - Sputnik საქართველო
გამოწერა
საზოგადოებრივი უსაფრთხოების მართვის ცენტრ „112“-ში ბაზრობაზე ხანძრის შესახებ შეტყობინება 22:16 საათზე შევიდა. მეხანძრეებმა ხანძრის ლოკალიზება საკმაოდ სწრაფად შეძლეს

თბილისი, 15 ივნისი - Sputnik. ვარკეთილში ე.წ. „თათრების ბაზრობაზე“ ხანძარი ლოკალიზებულია. ამჟამად მეხანძრეები ცალკეულ კერებს აქრობენ, განაცხადა ადგილზე მისულმა თბილისის მერის მოადგილემ, ილია ელოშვილმა.

© Sputnik / Alex Shlamovხანძარი ვარკეთილში
ხანძარი ვარკეთილის ბაზრობაზე ლოკალიზებულია: ბოლო ინფორმაცია - Sputnik საქართველო
ხანძარი ვარკეთილში

„ხანძარი იყო გავრცელებული 1000-დან 15000 კვ. მეტრ ტერიტორიაზე. ხანძარი ლოკალიზებულია. საშიშროება იმისა, რომ გავრცელდეს გაზგასამართ სადგურზე, ან კორპუსზე არის აღმოფხვრილი. ამისათვის მადლობა მაშველ-მეხანძრეებს. ყველაფერი კონტროლს ქვეშაა. ყველა მობილიზებულია - მაშველებიც, მეხანძრეებიც“, - აღნიშნა ელოშვილმა.

© Sputnik / Alex Shlamovხანძარი ვარკეთილში
ხანძარი ვარკეთილის ბაზრობაზე ლოკალიზებულია: ბოლო ინფორმაცია - Sputnik საქართველო
ხანძარი ვარკეთილში

ინფორმაცია იმის შესახებ, რომ ხანძრის შედეგად მსხვერპლი არ არის, დაადასტურა თბილისის საპატრულო პოლიციის უფროსმა, ვაჟა სირაძემ. ამასთან, ჯანდაცვის სამინისტროს ინფორმაციით, ხანძრის შედეგად მსუბუქად დაშავდა, პოლიციის ერთი თანამშრომელი, ხოლო ერთი მოქალაქე გადაიყვანეს საავადმყოფოში. პოლიციელმა ჰოსპიტალიზაციაზე უარი განაცხადა.

© Sputnik / Alex Shlamovხანძარი ვარკეთილში
ხანძარი ვარკეთილის ბაზრობაზე ლოკალიზებულია: ბოლო ინფორმაცია - Sputnik საქართველო
ხანძარი ვარკეთილში

ტერიტორიის პერიმეტრი გადაკეტილია, ირგვლივ მიმდებარე კორპუსების მოსახლეობაა შეკრებილი. ხანძრის გამომწვევი მიზეზები უცნობია. სიტუაციას ართულებდა ის, რომ ხანძრის კერასთან ახლოს მდებარეობს ბენზინგასამართი სადგური. 

ვარკეთილის ბაზრობა კორონავირუსის პანდემიის გამო დაწესებული შეზღუდვების დროს არ მუშაობდა. მაღაზიების მფლობელებმა და მოვაჭრეებმა მუშაობის განახლება მხოლოდ ორი კვირის წინ შეძლეს.

ყველა ახალი ამბავი
0