სისხლიანი დაპირისპირება იმერეთში: მამაკაცმა თანამშრომელი დაჭრა, პოლიციელს კი თავს დაესხა

© Sputnik / STRINGERპოლიციის განყოფილება
პოლიციის განყოფილება - Sputnik საქართველო
გამოწერა
გამოძიება 29 წლის მამაკაცს პოლიციელზე თავდასხმასა და განზრახ მკვლელობის მცდელობას ედავება. მას 7-დან 15 წლამდე თავისუფლების აღკვეთა ემუქრება.

თბილისი, 16 მაისი - Sputnik. სამართალდამცველებმა განზრახ მკვლელობის მცდელობისა და პოლიციელზე თავდასხმის ბრალდებით საჩხერეში 29 წლის მამაკაცი დააკავეს, ნათქვამია საქართველოს შინაგან საქმეთა სამინისტროს მიერ გავრცელებულ განცხადებაში.

მიმდინარე წლის 15 მაისს ბრალდებულმა ურთიერთშელაპარაკებისას მის თანამშრომელს, 33 წლის მამაკაცს ცივი იარაღის გამოყენებით სხეულზე რამდენიმე ჭრილობა მიაყენა და შემთხვევის ადგილიდან მიიმალა.

საპატრულო პოლიცია - Sputnik საქართველო
ადიგენგში მამაკაცმა საკუთარი მამა და არასრულწლოვანი შვილი სცემა

დაჭრილი მამაკაცი საავადმყოფოში გადაიყვანეს, სადაც მას გადაუდებელი სამედიცინო დახმარება გაეწია. მისი ჯანმრთელობის მდგომარეობა დამაკმაყოფილებელია და მის სიცოცხლეს საფრთხე არ ემუქრება.

დანაშაულის ჩადენის იარაღი - დანა ნივთმტკიცების სახითაა ამოღებული.

უწყება არ აკონკრეტებს, სად მუშაობდა ბრალდებული და რა მოტივით ჩაიდინა დანაშაული.

უწყების ცნობით, იმავე დღეს საგამოძიებო ღონისძიების მიმდინარეობისას, ბრალდებულმა საჩხერის პოლიციის რაიონული სამმართველოს შენობაში სიტყვიერი და ფიზიკური შეურაცხყოფა მიაყენა საჩხერის პოლიციის თანამშრომელს.

გამოძიება საქართველოს სსკ-ის 353-ე პრიმა და 19-108-ე მუხლებით მიმდინარეობს, რაც სამსახურებრივ საქმიანობასთან დაკავშირებით პოლიციელზე თავდასხმას და განზრახ მკვლელობის მცდელობას გულისხმობს. მას 7-დან 15 წლამდე თავისუფლების აღკვეთა ემუქრება.

ყველა ახალი ამბავი
0