თბილისი, 12 მარტი — Sputnik. სახელმწიფო უსაფრთხოების სამსახურის თანამშრომლებმა დიდი ოდენობით ყალბი ვალუტის შეძენის, შენახვის და გასაღების ფაქტზე თურქეთის მოქალაქე დააკავეს, ნათქვამია უწყების მიერ გავრცელებულ განცხადებაში.
გამოძიებით დადგინდა, რომ თურქეთის მოქალაქემ 2,1 აშშ დოლარის სანაცვლოდ 4,2 ათასი ყალბი აშშ დოლარი საქართველოში მცხოვრებ ნიგერიის მოქალაქეზე გაასაღა.
გამოძიებას აწარმოებს სახელმწიფო უსაფრთხოების სამსახურის ანტიკორუფციული სააგენტო.
გამოძიება დაწყებულია სსკ-ის 212-ე მუხლის მეორე ნაწილით, რაც დიდი ოდენობით ყალბი ვალუტის შეძენას, შენახვას და გასაღებას გულისხმობს და ითვალისწინებს 7-დან 10 წლამდე ვადით პატიმრობას.