თბილისი, 10 მარტი — Sputnik. ზუგდიდში ახალგაზრდა მამაკაცი დაჭრეს, იუწყება „Sputnik-საქართველოს" კორესპონდენტი.
შემთხვევა ზუგდიდის ბაზრის წინ არსებულ მიწისქვეშა გადასასვლელში დღეს მოხდა.
დაჭრილი სასწრაფო სამედიცინო დახმარების ბრიგადამ ზუგდიდის რეფერალურ საავადმყოფოში გადაიყვანა. ექიმების განცხადებით, პაციენტს, სავარაუდოდ, ბასრი საგნით მიყენებული ჭრილობა გულ-მკერდის მარცხენა არეში აღენიშნება. მისი ჯანმრთელობის მდგომარეობა საშუალო სიმძიმისაა.
მომხდარ ფაქტზე გამოძიება სისხლის სამართლის კოდექსის 117-ე მუხლის მეშვიდე ნაწილის "ა" ქვეპუნქტით მიმდინარეობს, რაც ჯანმრთელობის განზრახ მძიმე დაზიანებას გულისხმობს, რომელიც ორი ან მეტი პირის მიმართაა ჩადენილი.
