თბილისი, 28 თებერვალი — Sputnik. ზუგდიდის მუნიციპალიტეტის სოფელ დარჩელის გზაზე მომხდარ ავტოსაგზაო შემთხვევას სამი ადამიანის სიცოცხლე ემსხვერპლა, იუწყება „Sputnik-საქართველოს“ კორესპონდენტი.
შემთხვევა გუშინ, გვიან ღამით, დაახლოებით ორი საათისთვის მოხდა.
თვითმხილველების თქმით, ავტომობილი, რომელიც გადაჭარბებული სიჩქარით მოძრაობდა, გზის სავალი ნაწილიდან გადავიდა და ბორდიურს შეეჯახა.
დაღუპულებს შორის არის ცოლ-ქმარი. ავტოავარიის შედეგად ორი პირი დაშავდა, რომლებიც ზუგდიდის რეფერალურ ჰოსპიტალში არიან გადაყვანილი. დაშავებულთაგან ერთის მდგომარეობა მძიმეა.
მომხდარზე გამოძიება სსკ-ის 276-ე მუხლის მერვე ნაწილით მიმდინარეობს, რაც სატრანსპორტო საშუალების ექსპლუატაციის წესის დარღვევას გულიუსხმობს, რამაც ორი ან მეტი ადამიანის სიცოცხლის მოსპობა გამოიწვია.
