თბილისში საიუველირო მაღაზიის გაქურდვის საქმე გაიხსნა: ერთი დაკავებულია, სამი იძებნება

© photo: Sputnik / Vitaliy Belousov / გადასვლა მედიაბანკშიხელბორკილები
ხელბორკილები - Sputnik საქართველო
გამოწერა
ქურდებმა მაღაზიიდან 10,7 ათასი ლარის ღირებულების ძვირფასეულობა გაიტაცეს. დანაშაული ექვსიდან ათ წლამდე პატიმრობას ითვალისწინებს.

თბილისი, 10 თებერვალი — Sputnik. თბილისში, პეკინის გამზირზე მდებარე სამკაულების მაღაზიის ქურდობის ფაქტი გახსნილია – ერთი ეჭვმიტანილი დაკავებულია, ხოლო სამი – იდენტიფიცირებული, ნათქვამია შსს-ს განცხადებაში.

დაკავებულია ადრე ნასამართლევი 35 წლის ზ.ს. გამოძიებამ დაადგინა, რომ ბრალდებული 7 თებერვალს სამ თანამზრახველთან ერთად საიუველირო მაღაზია Redberry-ში შეიპარა და მათ 10,7 ათასი ლარის ღირებულების ძვირფასეულობა გაიტაცეს.

დაკავება - Sputnik საქართველო
ქურდობის ბრალდებით თბილისში ორი პირი დააკავეს - 3 თვეში 24 ბინა...

დამნაშავეები გაქურდვის შემდეგ ადგილიდან მიიმალნენ.

ოპერატიულ-საგამოძიებო მოქმედებების შედეგად ზ.ს. დააკავეს. სამართალდამცველებმა ბათუმში ბრალდებულის დროებითი საცხოვრებელი ბინიდან მოპარული სამკაულები ამოიღეს.

დადგინდა დანარჩენი ბრალდებულების ვინაობა, მიმდინარეობს მათი ძებნა.

გამოძიება მიმდინარეობს ქურდობის მუხლით. დანაშაული ექვსიდან ათ წლამდე პატიმრობას ითვალისწინებს.

ყველა ახალი ამბავი
0