თბილისი, 7 თებერვალი — Sputnik. თბილისში მრავალსართულიან საცხოვრებელ კორპუსში გაჩენილ ხანძარს ხანში შესული ქალი ემსხვერპლა, ნათქვამია საგანგებო სიტუაციების მართვის სამსახურის განცხადებაში.
ინციდენტი ქავთარაძის ქუჩაზე გუშინ, ღამით მოხდა. შემთხვევის ადგილზე შვიდი სახანძრო-სამაშველო ბრიგადა იყო მობილიზებული.
გავრცელებული ინფორმაციით, დაკეტილ ბინაში, სადაც დაკვამლიანება შენიშნეს, ქალი იმყოფებოდა. საცხოვრებელ სახლში შესულმა მეხანძრე-მაშველებმა ხანში შესული ქალის ცხედარი იპოვეს.
დაკვამლიანების გამო მიმდებარე ბინებიდან გამოყვანილია შვიდი მოქალაქე. მათ სიცოცხლეს და ჯანმრთელობას საფრთხე არ ემუქრება.
