თბილისი, 3 თებერვალი — Sputnik. ბათუმში ზღვამ 25 წლამდე მამაკაცის ცხედარი გამორიყა, იუწყება საინფორმაციო სააგენტო Новости-Грузия საქართველოს შინაგან საქმეთა სამინისტროზე დაყრდნობით.
მომხდარ ფაქტზე გამოძიება სსკ-ის 115-ე მუხლით დაიწყო, რაც თვითმკვლელობამდე მიყვანას გულისხმობს.
წინასწარი ინფორმაციით, ცხედარს ძალადობის კვალი არ აღენიშნება. ადგილზე შესაბამისი სამსახურების თანამშრომლები იყვნენ მობილიზებული. ამ დროისთვის ცხედარი ექსპერტიზაზეა გადასვენებული.
