თბილისი, 17 ოქტომბერი — Sputnik. ბაქოში მცხოვრებმა 48 წლის მამაკაცმა ცოლი და სიდედრი დანით სასიკვდილოდ დაჭრა და შემთხვევის ადგილიდან მიმალვის დროს ავტობუსის ქვეშ აღმოჩნდა, იუწყება „Sputnik–აზერბაიჯანი".
სააგენტოს მონაცემებით, ორივე ქალი ადგილზე დაიღუპა. მეუღლე მამაკაცის დეიდაშვილი იყო, სიდედრი კი დეიდა.
მამაკაცმა დანაშაულის დაფარვის მიზნით ცხედრებს საწვავი გადაასხა და ცეცხლი წაუკიდა.
გავრცელებული ინფორმაციით, შემთხვევის ადგილიდან მიმალვის დროს მამაკაცს სამგზავრო ავტობუსი დაეჯახა და ის ქალაქის საავადმყოფოში აღმოჩნდა.
პოლიცია დანაშაულის მიზეზებს არკვევს.
