სახელმწიფო მიწების მითვისების საქმე: დაკავებულია ორი პირი

გამოწერა
ბრალის დამტკიცების შემთხვევაში დაკავებულებს ცხრა წლამდე პატიმრობა ემუქრებათ.

თბილისი, 10 ოქტომბერი — Sputnik. საქართველოს ფინანსთა სამინისტროს საგამოძიებო სამსახურის თანამშრომლებმა ყალბი დოკუმენტების გამოყენებით სახელმწიფო ქონების მოტყუებით დაუფლების ფაქტზე ორი პირი დააკავეს, ნათქვამია უწყების მიერ გავრცელებულ განცხადებაში.

ხელბორკილები - Sputnik საქართველო
სახელმწიფო ქონების დაუფლების ბრალდებით სამ პირს ბრალი წაუყენეს

გავრცელებული ინფორმაციით, ბრალდებულებმა ყალბი დოკუმენტების გამოყენებით თავიანთ კუთვნილებაში დაირეგისტრირეს მცხეთის ტერიტორიაზე არსებული სახელმწიფოს კუთვნილი 9 198 კვადრატულ მეტრი მიწის ნაკვეთი, რომლის ღირებულებაც ჯამში 170 ათას ლარს აჭარბებს.

დღეისთვის დაყადაღებულია მიწის ერთი ნაკვეთი და მიმდინარეობს დანაშაულში მონაწილე სხვა პირების გამოვლენის პროცესი.

გამოძიება სსკ-ის 180-ე მუხლის მეორე და მესამე ნაწილებით და 362-ე მუხლის პირველი ნაწილით მიმდინარეობს, რაც სასჯელის სახით ითვალისწინებს ექვსიდან ცხრა წლამდე ვადით თავისუფლების აღკვეთას.

ყველა ახალი ამბავი
0