თბილისი, 8 ოქტომბერი — Sputnik. საქართველოს შინაგან საქმეთა სამინისტროს გენერალურმა ინსპექციამ ნარკოტიკული საშუალების მოხმარების ფაქტზე თბილისის პოლიციის დეპარტამენტის თანამშრომელი დააკავა, ნათქვამია უწყების მიერ გავრცელებულ განცხადებაში.
დაკავებული დანაშაულს აღიარებს.
პროკურატურაში გამოძიება ნარკოტიკული საშუალებების შეძენა-შენახვის ფაქტზე დაიწყო.
დამნაშავეს ბრალი 7 ოქტომბერს სსკ-ის 260-ე მუხლის პირველი და 236-ე მუხლის მესამე ნაწილით წარედგინა, თბილისის საქალაქო სასამართლომ მას აღკვეთის ღონისძიების სახით გირაო შეუფარდა.
