თბილისი, 29 სექტემბერი - Sputnik. იმერეთის პოლიციამ, დიდი ოდენობით ნარკოტიკული საშუალების შეძენა-შენახვა-გადაზიდვის ბრალდებით, წარსულში მრავალჯერ ნასამართლევი 52 წლის ბ.ჩ. დააკავა, ნათქვამია შსს-ს მიერ გავრცელებულ განცხადებაში.
არსებული ინფორმაციით, სამართალდამცველებმა ბრალდებული საბაჟო-გამშვები პუნქტი „სარფის“ მიმდებარე ტერიტორიაზე დააკავეს.
პოლიციამ, დაკავებულის პირადი ჩხრეკისას, ნარკოტიკული ნივთიერება „მეტადონის“ შემცველი 10 აბი ნივთმტკიცების სახით ამოიღო.
თბილისში უკანონო იარაღი და საბრძოლო მასალა ამოიღეს >>
გამოძიება დიდი ოდენობით ნარკოტიკული საშუალების უკანონო შეძენა-შენახვისა და გადაზიდვის ფაქტზე, საქართველოს სსკ-ს 260-ე მუხლის მე-3 ნაწილის „ა“ ქვეპუნქტით მიმდინარეობს. დანაშაული 5-დან 8 წლამდე ვადით თავისუფლების აღკვეთას ითვალისწინებს.