თბილისი, 31 ივლისი – Sputnik. თბილისში, თოდუას კლინიკაში და შოთა რუსთაველის სახელობის ბათუმის სახელმწიფო უნივერსიტეტში ნაღმს ეძებენ, იუწყება პირველი არხი.
ნაღმის არსებობის შესახებ შეტყობინება დაწესებულებებმა ოფიციალურ ელექტრონულ ფოსტაზე მიიღეს, რის შემდეგაც თანამშრომლები სამართალდამცველებს დაუკავშირდნენ.
„შეტყობინება შემოვიდა რუსულ ენაზე. გვაუწყეს, რომ ნაღმი 48 საათში აფეთქდებოდა. სამართალდამცველებს ვაცნობეთ, თუმცა ვიმედოვნებ, ცრუ განგაშთან გვაქვს საქმე, რადგან ანალოგიური შეტყობინება რამდენიმე კვირის წინაც შემოვიდა და არ დადასტურდა“, – განაცხადა უნივერსიტეტის რექტორმა მერაბ ხალვაშმა.
უნივერსიტეტის შენობაში ევაკუაცია 17:50 საათზე გამოცხადდა. შენობაში მხოლოდ თანამშრომელთა ნაწილი იმყოფებოდა.
უფრო ადრე თოდუას კლინიკაში ანალოგიური მდგომარეობის შესახებ ინფორმაცია გავრცელდა.
ორივე ადგილზე სამართალდამცველები გამოცხადდნენ.
