თბილისი, 31 ივლისი — Sputnik. ყვარელში საცხოვრებელი სახლის დემონტაჟის დროს კედელი ჩამოინგრა და მუშა მოიყოლა, ნათქვამია საგანგებო სიტუაციები მართვის სამსახურის მიერ გავრცელებულ განცხადებაში.
31 ივლისი 2019, 10:47
შემთხვევა სოლომონ დოდაშვილის ქუჩაზე დღეს მოხდა.
საბედნიეროდ, მაშველებმა ნანგრევებიდან მუშის დროულად ამოყვანა და გადარჩენა შეძლეს.
სასწრაფო დახმარების ბრიგადამ დაშავებული საავადმყოფოში გადაიყვანა, მის სიცოცხლეს საფრთხე არ ემუქრება.
შემთხვევის ადგილზე ორი სახანძრო-სამაშველო ჯგუფი მუშაობდა, ასევე მობილიზებული იყო ყველა შესაბამისი სამსახური.
მომხდართან დაკავშირებით გამოძიება საქართველოს სსკ-ის 240-ე მუხლის პირველი ნაწილით დაიწყო, რაც სამთო, სამშენებლო ან სხვა სამუშაოს წარმოებისას უსაფრთხოების წესების დარღვევას გულისხმობს.
