თბილისი, 22 ივლისი — Sputnik. ხულოში ავტოსაგზაო შემთხვევის შედეგად ერთი ადამიანი დაიღუპა, სამი ადამიანი კი დაშავდა, იუწყება აჭარის ტელევიზია.
უბედური შემთხვევა დღეს, დაახლოებით 10:00 საათზე მოხდა.
გავრცელებული ინფორმაციით, სამარშრუტო ტაქსის მძღოლმა საჭე ვერ დაიმორჩილა და მანქანა ამოტრიალდა.
გამოძიება დაწყებულია სსკ-ის 276-ე მუხლის მეექვსე ნაწილით, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც გამოიწვია ადამიანის გარდაცვალება.
