ქართული კლუბი ზესტაფონის „არწივების“ 17 წლის მორაგბე რეზი თაბაგარი ავტოავარიას ემსხვერპლა. ინფორმაციას კლუბი „ფეისბუქის“ ოფიციალურ გვერდზე ავრცელებს. მორაგბის ოჯახს საქართველოს რაგბის კავშირმაც მიუსამძიმრა.
„მეგობრებო! დღეს ჩვენი რაგბის დიდი ოჯახის წევრი დავკარგეთ. რეზიკო თაბაგარი, რომელიც სიცოცხლით და სიყვარულით სავსე ადამიანი იყო, ავტოსაგზაო შემთხვევას ემსხვერპლა. ნათელში ამყოფოს შენი სული „ბაკო“ სუყველას ძალიან გვიყვარდი, გვიყვარხარ და მუდამ გვეყვარები“, – წერს კლუბი.
