თბილისი, 14 მაისი — Sputnik. თბილისში ერთ-ერთი მშენებარე კორპუსის, სავარაუდოდ, მე-15 სართულიდან მუშა გადმოვარდა და ადგილზევე დაიღუპა, იუწყება ტელეკომპანია Rustavi 2.
შემთხვევა კოსტავას №75-ში მრავალსართულიანი კორპუსის მშენებლობაზე, დაახლოებით, ნახევარი საათის წინ მოხდა.
გავრცელებული ინფორმაციით, მამაკაცს მუშაობის დროს დაზღვევის თოკი გაუწყდა.
ადგილზე უკვე მუშაობენ ექსპერტ-კრიმინალისტები.
მომხდარ ფაქტზე გამოძიება სამშენებლო წესების დარღვევის მუხლით დაიწყო, რამაც ადამიანის გარდაცვალება გამოიწვია.