თბილისი, 20 აპრილი — Sputnik. შინაგან საქმეთა სამინისტროს თანამშრომლებმა ნარკოდანაშაულის ბრალდებით თბილისში ორი პირი დააკავეს, ნათქვამია უწყების მიერ გავრცელებულ განცხადებაში.
დაკავებულები არიან 35 წლის აზერბაიჯანის მოქალაქე და 28 წლის საქართველოს მოქალაქე.
სამართალდამცველებმა, დაკავებულების პირადი და საცხოვრებელი სახლის ჩხრეკისას, „ჰეროინის“ შემცველი, 31 შეკვრად დაფასოებული ნარკოტიკული საშუალება - ე.წ. „სირეცი“ ამოიღეს.
გამოძიება დაწყებულია სსკ-ის 260-ე მუხლის მესამე ნაწილით, რაც დიდი ოდენობით ნარკოტიკული საშუალების უკანონო შეძენა-შენახვას გულისხმობს და 5-დან 8 წლამდე ვადით პატიმრობას ითვალისწინებს.