01:55 17 ივნისი 2019
პირდაპირი ეთერი
  • EUR3.0943
  • 100 RUB4.2700
  • USD2.7468
დაკავება

თბილისში იარაღის არსენალი აღმოაჩინეს – დაკავებულია ორი პირი

© photo: Sputnik / Mikhail Voskresensky
შემთხვევები
მოკლე ბმულის მიღება
კრიმინალი საქართველოში (273)
130 0 0

პოლიციამ ნივთმტკიცებად მაკაროვის სისტემის პისტოლეტი, კარაბინის სისტემის შაშხანა, სანადირო თოფი, გადაჭრილი თოფი, ორი მჭიდი და 232 საბრძოლო ვაზნა ამოიღო.

თბილისი, 17 აპრილი — Sputnik. სამართალდამცველებმა ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვის ფაქტზე 36 წლის მამაკაცი, ხოლო ცეცხლსასროლი იარაღის მართლსაწინააღმდეგო შეძენა-შენახვა-ტარების ბრალდებით 31 წლის მამაკაცი დააკავეს, აღნიშნულია საქართველოს შინაგან საქმეთა სამინისტროს მიერ გავრცელებულ განცხადებაში.

უწყების ცნობით, სამართალდამცველებმა ერთ-ერთი ბრალდებულის საცხოვრებელი სახლის ჩხრეკისას კარაბინის სისტემის შაშხანა, სანადირო თოფი, გადაჭრილი თოფი, ორი მჭიდი და 232 საბრძოლო ვაზნა ნივთმტკიცებად ამოიღეს. მეორე ბრალდებულის პირადი ჩხრეკისას კი მაკაროვის სისტემის პისტოლეტია ამოღებული.

გამოძიება ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვა-ტარების ფაქტებზე საქართველოს სსკ-ის 236-ე მუხლის მესამე და მეოთხე ნაწილებით მიმდინარეობს. დანაშაული სამიდან შვიდ წლამდე ვადით თავისუფლების აღკვეთას ითვალისწინებს.

 

თემები:
კრიმინალი საქართველოში (273)

მთავარი თემები