21:31 19 აპრილი 2019
პირდაპირი ეთერი
  • EUR3.0323
  • 100 RUB4.2087
  • USD2.6939
საპატიმრო

მამის მკვლელობაში ბრალდებულს აღკვეთის ზომად პატიმრობა შეუფარდეს

CC0 / Pixabay
შემთხვევები
მოკლე ბმულის მიღება
კრიმინალი საქართველოში (136)
68 0 0

მკვლელობისთვის დაკავებულს 17 წლამდე თავისუფლების აღკვეთა ემუქრება.

თბილისი, 12 აპრილი — Sputnik. თბილისის საქალაქო სასამართლომ აღკვეთის ზომად პატიმრობა შეუფარდა სოსო ცისკარიშვილს, რომელსაც წყნეთში მამის მკვლელობა ედება ბრალად, იუწყება ტელეკომპანია Imedi.

პოლიციამ 36 წლის მამაკაცი ოთხშაბათს დააკავა. გამოძიებამ დაადგინა, რომ ბრალდებულმა ურთიერთობების გარკვევისას 65 წლის მამას დანით ჭრილობები მიაყენა, რის გამოც ის ადგილზე გარდაიცვალა. ინციდენტი სამშაბათს მოხდა.

სისხლის სამართლის საქმე აღძრულია სსკ-ის მუხლით „განზრახ მკვლელობა დამამძიმებელ გარემოებებში". დაკავებულს 13-დან 17 წლამდე პატიმრობა ელოდება.

ბრალდებულის დაკავების შემდეგ ოჯახის ახლობლებმა განაცხადეს, რომ მკვლელობა საერთოდ არ ყოფილა. მათი თქმით, მამაკაცს ჯანმრთელობის პრობლემები ჰქონდა. ის, სავარაუდოდ, დაეცა და გარდაიცვალა. მკვლელობაში ეჭვი შეიტანეს ასევე მეზობლებმაც.

თემები:
კრიმინალი საქართველოში (136)

მთავარი თემები