01:49 17 ივნისი 2019
პირდაპირი ეთერი
  • EUR3.0943
  • 100 RUB4.2700
  • USD2.7468
Человек в наручниках задержан

რომელ „კანონიერ ქურდთან" მიდის წილები ზესტაფონიდან

CC BY 2.0 / Tar Sands Blockade / Darryl Hannah in Handcuffs
შემთხვევები
მოკლე ბმულის მიღება
კრიმინალი საქართველოში (273)
216 0 0

ბრალის დამტკიცების შემთხვევაში 36 წლის კრიმინალურ ავტორიტეტს შვიდიდან ათ წლამდე ვადით თავისუფლების აღკვეთა ემუქრება.

თბილისი, 12 აპრილი — Sputnik. სამართალდამცველებმა ზესტაფონში კრიმინალური ავტორიტეტი და „ქურდული სამყაროს" აქტიური წევრი დააკავეს, აღნიშნულია საქართველოს შინაგან საქმეთა სამინისტროს მიერ გავრცელებულ განცხადებაში.

უწყების ინფორმაციით, 36 წლის მამაკაცი წარსულში ნასამართლევია. იგი სასამართლო გადაწყვეტილების საფუძველზე დააკავეს.

გამოძიების ცნობით, ზესტაფონში ბრალდებული ერთ-ერთ მეწარმეს ბიზნეს-საქმიანობიდან გარკვეული წილის დათმობას აიძულებდა თავისი კრიმინალური ავტორიტეტის გამოყენებით, „ქურდული გარჩევის" გზით, ე.წ. „კანონიერი ქურდების" სასარგებლოდ.

დაკავებულის ავტომობილის ჩხრეკისას პოლიციამ „ტტ"-ს სისტემის ცეცხლსასროლი იარაღი და შვიდი ვაზნა ამოიღო.

გამოძიება „ქურდული სამყაროს წევრობის" და ცეცხლსასროლი იარაღის მართლსაწინააღმდეგო შეძენა-შენახვა-ტარების ფაქტებზე საქართველოს სსკ-ის 223-პრიმა მუხლის პირველი ნაწილით და 236-ე მუხლის მესამე და მეოთხე ნაწილებით მიმდინარეობს. დანაშაული შვიდიდან ათ წლამდე ვადით თავისუფლების აღკვეთას ითვალისწინებს.

 

თემები:
კრიმინალი საქართველოში (273)

მთავარი თემები