თბილისი, 12 აპრილი — Sputnik. მეხანძრეებმა ჩააქრეს ბენზინმზიდი, რომელსაც ცეცხლი გორთან ახლოს ავტობანზე გაუჩნდა, იუწყება საინფორმაციო სააგენტო Новости-Грузия საქართველოს საგანგებო სიტუაციების მართვის სამსახურზე დაყრდნობით.
შემთხვევის ადგილზე ადამიანის ცხედარი აღმოაჩინეს, რომელიც, სავარაუდოდ, ავტომობილის მძღოლია.
მასმედიაში გავრცელებული ინფორმაციით, მძღოლი საქართველოს მოქალაქე არ ყოფილა, რადგან ბენზინმზიდს თურქული ნომრები აქვს.
რა გახდა ხანძრის მიზეზი, ჯერჯერობით უცნობია. ცეცხლს ორი საათის განმავლობაში, ბოლო ინფორმაციით, ექვსი სახანძრო-სამაშველო ბრიგადა ებრძოდა.
ავტომაგისტრალი ამ დროისთვის გახსნილია.