ფოთში დენის დარტყმის შედეგად რვა წლის ბავშვი დაიღუპა

© Sputnik / Alexander Imedashviliსასწრაფო დახმარება
სასწრაფო დახმარება - Sputnik საქართველო
გამოწერა
მოზარდს სხეულის 70 %-ის დამწვრობა აღენიშნებოდა

თბილისი, 22 მარტი — Sputnik. რვა წლის ბექა დავითაია, რომელმაც რამდენიმე დღის წინ დენის დარტყმის შედეგად სხეულის მძიმე დამწვრობა მიიღო,  გუშინ გარდაიცვალა, იუწყება ტელეკომპანია Imedi.

112 - Sputnik საქართველო
ზუგდიდში 14 წლის მოზარდს დენმა დაარტყა

ბექა დავითაიას 11 მარტს ფოთში ერთ-ერთი კორპუსის ეზოში მდებარე სატრანსფორმატორო ქვესადგურში დენმა დაარტყა. თავდაპირველად მოზარდი ძლიერი დამწვრობით ქალაქის რეფერალურ საავადმყოფოში მოათავსეს.

მოგვიანებით კი ჯანმრთელობის მდგომარეობის გამო ბავშვი თბილისში გადმოიყვანეს, ის სხეულის მძიმე ხარისხის დამწვრობით (70%) სიმონ ხეჩინაშვილის სახელობის საუნივერსიტეტო კლინიკაში არსებულ დამწვრობის ცენტრში მოათავსეს, სადაც მართვით სუნთქვაზე იმყოფებოდა.

„ძალიან ძნელია ჩემთვის ამაზე საუბარი. მიუხედავად ჩვენი მცდელობისა, ბავშვის გადარჩენა ვერ მოხერხდა", - განაცხადა დამწვრობის ცენტრის ხელმძღვანელმა გუგა ქაშიბაძემ.

 

ყველა ახალი ამბავი
0