თემქაზე აფეთქებისას ერთი მამაკაცი დაშავდა

გამოწერა
თემქაზე ბუნებრივი აირის აფეთქების შედეგად აივანი ჩამოინგრა.

თბილისი, 19 მარტი — Sputnik. თბილისში, თემქის მესამე მიკრორაიონში მდებარე ერთ-ერთი საცხოვრებელი კორპუსის მეცხრე სართულზე აფეთქება მოხდა, იუწყება ტელეკომპანია Rustavi2.

სასწრაფო დახმარება - Sputnik საქართველო
რუსთავში ბუნებრივი აირის ნამწვით ხუთი ადამიანი მოიწამლა

წინასწარი ინფორმაციით, აფეთქება ბუნებრივი აირის დაგროვებამ გამოიწვია. აფეთქების შედეგად აივნის ნაწილი ჩამოინგრა. მომხდარის შედეგად ხანძარი არ გაჩენილა.

შემთხვევის შედეგად ერთი მამაკაცი დაშავდა. იგი სასწრაფო სამედიცინო დახმარების ბრიგადამ სამედიცინო დაწესებულებაში გადაიყვანა. მის ჯანმრთელობის მდგომარეობას საფრთხე არ ემუქრება.

შემთხვევის ადგილზე მობილიზებული იყო სამი სახანძრო-სამაშველო ბრიგადა. მობილიზებული არიან სამართალდამცველებიც.

ყველა ახალი ამბავი
0