10:07 20 მარტი 2019
პირდაპირი ეთერი
  • EUR3.0474
  • 100 RUB4.1721
  • USD2.6840
საპატრულო პოლიცია

ბათუმში გამოძალვის ბრალდებით კლუბსა და რესტორანში ექვსი პირი დააკავეს

© Sputnik / Alexander Imedashvili
შემთხვევები
მოკლე ბმულის მიღება
კრიმინალი საქართველოში (58)
103 0 0

ბრალდებულები უცხოელებს მუქარით, სისტემატურად სთხოვდნენ თითქოსდა შეკვეთილი, არარსებული მენიუს საზღაურს

თბილისი, 17 მარტი - Sputnik. შინაგან საქმეთა სამინისტროს თანამშრომლებმა გამოძალვის ბრალდებით ბათუმში ექვსი პირი დააკავეს, ნათქვამია უწყების მიერ გავრცელებულ განცხადებაში.

დაკავებულები წარსულში მრავალჯერ ნასამართლევი პირები არიან.

გამოძიებით დადგინდა, რომ ბრალდებულების ნაწილი ბათუმში, ადლიის ქუჩაზე მდებარე რესტორან „ბოკვერსა“ და აეროპორტის ქუჩაზე მდებარე კლუბ „ფაშაში“ მუშაობდა. ისინი, თანამზრახველებთან ერთად, უცხოელებს სიცოცხლის მოსპობისა და ჯანმრთელობის დაზიანების მუქარით, სისტემატურად სთხოვდნენ თითქოსდა შეკვეთილი, არარსებული მენიუს საზღაურს და რეალურ ღირებულებასთან შეუსაბამო თანხებს ახდევინებდნენ.

გამოძიება დაწყებულია სსკ-ის 181-ე მუხლის მეორე ნაწილით, რაც ჯგუფურად ჩადენილი გამოძალვას გულისხმობს და 4-დან 7 წლამდე ვადით პატიმრობას ითვალისწინებს.

თემები:
კრიმინალი საქართველოში (58)

მთავარი თემები