07:32 22 აპრილი 2019
პირდაპირი ეთერი
  • EUR3.0291
  • 100 RUB4.2126
  • USD2.6935
ხელბორკილები

დაკავებულია მძღოლი, რომელმაც გორში მიკროავტობუსით ახალგაზრდა გაიტანა

CC0 / Pixabay / 3839153
შემთხვევები
მოკლე ბმულის მიღება
შემთხვევები საქართველოში –2018 (1666)
141 0 0

ნახევარი წლის შემდეგ დაკავებულ მძღოლს შვიდ წლამდე პატიმრობა ელოდება.

თბილისი, 12 თებერვალი — Sputnik. პოლიციამ დააკავა 49 წლის მამაკაცი, რომელმაც 2018 წლის ივლისში გორის რაიონის სოფელ ხელთუბანში მიკროავტობუსით 18 წლის თორნიკე მერებაშვილი გაიტანა, ნათქვამია შსს-ს განცხადებაში.

მერებაშვილმა მას შემდეგ, რაც მას მიკროავტობუსი დაეჯახა, შეძლო ახლობლებთან დარეკვა და დახმარება ითხოვა. როდესაც სასწრაფო დახმარების ბრიგადა ადგილზე მივიდა, ის ჯერ კიდევ ცოცხალი იყო, მაგრამ გზაში, საავადმყოფოში მიყვანამდე გარდაიცვალა.

მერებაშვილის ოჯახის წევრებმა გასული წლის სექტემბერში საპროტესტო აქცია მოაწყვეს საქმის გამოძიებისა და დამნაშავის დასჯის მოთხოვნით.

საქმესთან დაკავშირებით დაახლოებით 140 ადამიანი დაიკითხა, ამოღებულია ვიდეოკამერების ჩანაწერები, ჩატარდა კომპლექსური ექსპერტიზები.

სისხლის სამართლის საქმე აღძრულია მოძრაობის უსაფრთხოების ან ტრანსპორტის ექსპლუატაციის წესების დარღვევის მუხლით, რასაც ადამიანის გარდაცვალება მოჰყვა. დანაშაული ისჯება ოთხიდან შვიდ წლამდე პატიმრობით.

თემები:
შემთხვევები საქართველოში –2018 (1666)

მთავარი თემები