პოლიციამ ბათუმში ორი ნარკორეალიზატორი დააკავა

გამოწერა
პოლიციამ ნარკოტიკული საშუალებები დაკავებულების პირადი ჩხრეკისას ნივთმტკიცების სახით ამოიღო.

თბილისი, 10 თებერვალი — Sputnik. სამართალდამცველებმა ბათუმში განსაკუთრებით დიდი ოდენობით ნარკოტიკული საშუალების მართლსაწინააღმდეგო შეძენა-შენახვა-გასაღების ფაქტზე, 1966 წელს დაბადებული ი.მ. და 1969 წელს დაბადებული, თურქეთის რესპუბლიკის მოქალაქე მ.ქ. დააკავეს, ნათქვამია შსს–ს მიერ გავრცელებულ განცხადებაში.

ნარკოტიკი - Sputnik საქართველო
სარფში ნარკოდანაშაულისთვის  ერთი პირი დააკავეს

უწყების ინფორმაციით, გამოძიების ფარგლებში, სამართალდამცველებმა აღნიშნული პირებისგან ნარკოტიკული საშუალების საკონტროლო შესყიდვები და აღნიშნული შესყიდვების ფარული ვიდეო-აუდიო ჩაწერა განახორციელეს.

პოლიციამ მათ მიერ უკანონოდ გაყიდული ცხრა აბი „სუბოქსინი“ ნივთმტკიცების სახით ამოიღო. სამართალდამცველებმა, მ.ქ.-ს პირადი ჩხრეკისას, სამი აბი, დაკავებულების დროებითი საცხოვრებელი სახლის ჩხრეკისას კი - 21 აბი ნარკოტიკული საშუალება ამოიღეს.

გამოძიება განსაკუთრებით დიდი ოდენობით ნარკოტიკული საშუალების მართლსაწინააღმდეგო შეძენა-შენახვისა და გასაღების ფაქტზე, საქართველოს სსკ-ს 260-ე მუხლის მე-5 და მე-6 ნაწილებით მიმდინარეობს, რაც  8-დან 20 წლამდე ან უვადო თავისუფლების აღკვეთას ითვალისწინებს.

ყველა ახალი ამბავი
0