06:21 12 ნოემბერი 2019
პირდაპირი ეთერი
  • EUR3.2697
  • 100 RUB4.6355
  • USD2.9633
ქარიშხლის შედეგები ბათუმში

ბათუმში ქარიშხლისგან მიყენებულ ზარალს ითვლიან

© photo: Batumi City Hall / FB
შემთხვევები
მოკლე ბმულის მიღება
უამინდობა საქართველოში (212)
101 0 0

ძლიერმა ქარმა ბათუმში დააზიანა ქალაქის ინფრასტრუქტურა, რომლის აღდგენაც კომისიის გადაწყვეტილების შემდეგ დაიწყება.

თბილისი, 17 იანვარი – Sputnik. ბათუმში ითვლიან ზარალს, რომელიც ქალაქს ძლიერი ქარის გამო მიადგა, განუცხადეს „Sputnik–საქართველოს“ ქალაქის მერიაში.

ძლიერმა ქარმა გუშინ ბათუმში სახლებს სახურავები გადახადა. სახლებს დროებითი გადახურვა გაუკეთეს. გარდა ამისა, ქარიშხალმა დააზიანა საზოგადოებრივი ტრანსპორტის გაჩერებები, საგზაო ნიშნები, სარეკლამო ბანერები და სხვა ინფრასტრუქტურა. ორმა ადამიანმა მცირე დაზიანებები მიიღო. შტორმი სანაპიროზე ექვს ბალს აღწევდა.

„ბათუმის მერიის „ცხელ ხაზზე“ დაახლოებით ოცი შეტყობინება შემოვიდა. შესაბამისმა სამსახურებმა დახმარება დაუყოვნებლივ გასწიეს. გუშინვე დაიწყო ზარალის დათვლა. დროებით გადახურეს დაზიანებული სახლების სახურავები. როცა ზარალის დათვლა დასრულდება, საკითხი განსახილველად კომისიას გადაეცემა. მაშინ ცნობილი გახდება შემდგომი სარემონტო სამუშაოების ჩატარების დეტალები“, – განაცხადეს ქალაქის მერიის პრეს-სამსახურში.

უწყებაში ასევე აღნიშნეს, რომ ქალაქში გაწმენდის სამუშაოები დაუყოვნებლივ დაიწყო.

„ახლა ბათუმში წვიმს. ქარი არ არის“, – განაცხადეს პრეს–სამსახურში.

დაახლოებით 40 შეტყობინება შევიდა აგრეთვე შსს-ს საგანგებო სიტუაციების მართვის სამსახურის „ცხელ ხაზზე“. სამართალდამცველმა უწყებამ რამდენიმე სისხლის სამართლის საქმე აღძრა მას შემდეგ, რაც დაშავდნენ ადამიანები და დაზიანდა კერძო საკუთრება.

თემები:
უამინდობა საქართველოში (212)

მთავარი თემები