თბილისი, 15 იანვარი — Sputnik. ბათუმში ერთ-ერთი საცხოვრებელი კორპუსის წინ ორი მსუბუქი ავტომობილი დაიწვა, იუწყება საზოგადოებრივი მაუწყებლის პირველი არხი.
შემთხვევა ბაგრატიონის ქუჩაზე დღეს, დილით მოხდა.
ჯერჯერობით უცნობია, რა გახდა ხანძრის გაჩენის მიზეზი.
გავრცელებული ინფორმაციით, აღნიშნულ ტერიტორიაზე დამონტაჟებულმა სათვალთვალო კამერებმა ავტომანქანებთან უცნობი პირი დააფიქსირეს.
შინაგან საქმეთა სამინისტროს ინფორმაციით, ფაქტზე გამოძიება სისხლის სამართლის კოდექსის 187-ე მუხლის მეორე ნაწილით მიმდინარეობს, რაც ნივთის დაზიანება ან განადგურებას გულისხმობს და ისჯება ჯარიმით ან საზოგადოებისთვის სასარგებლო შრომით ვადით 100-დან 180 საათამდე ან გამასწორებელი სამუშაოთი ვადით ერთ წლამდე, ანდა თავისუფლების აღკვეთით ვადით ერთიდან სამ წლამდე.