თბილისი, 11 ნოემბერი – Sputnik. ზუგდიდის მუნიციპალიტეტის სოფელ კოკში ორსართულიანი საცხოვრებელი სახლი დაიწვა, იუწყება „Sputnik-საქართველოს“ კორესპონდენტი.
ხანძარი შაბათ საღამოს, ხუბუების საცხოვრებელ სახლში გაჩნდა. თვითმხილველების განცხადებით, ადგილზე სახანძრო სამსახური დროულად მივიდა, თუმცა სახლი სრულად დაიწვა. მათივე ინფორმაციით, ხანძრის შედეგად არავინ დაშავებულა.
როგორც „Sputnik-საქართველოს“ ზუგდიდის მუნიციპალიტეტის მერიის პრესსამსახურში განუცხადეს, დაზარალებულ ოჯახს ადგილობრივი ხელისუფლება შესაბამის დახმარებას გაუწევს.
ხანძრის გამომწვევი ზუსტი მიზეზი ჯერჯერობით უცნობია.