რატომ დაუპირისპირდნენ ფიზიკურად მედიკოსები  მოქალაქეებს

© Sputnik / Alexander Imedashviliსაპატრულო პოლიცია
საპატრულო პოლიცია - Sputnik საქართველო
გამოწერა
კლინიკაში მომხდარი ჩხუბისა და ფიზიკური დაპირისპირების მიზეზი მეტადონის პროგრამა გახდა.

თბილისი, 8 ნოემბერი — Sputnik. საოჯახო მედიცინის ეროვნულ სასწავლო ცენტრში სამედიცინო პერსონალი რამდენიმე მამაკაცს ფიზიკურად დაუპირისპირდა, იუწყება ტელეკომპანია Rustavi2.

პატარა ბიჭი საბავშვო ბაღში - Sputnik საქართველო
ოთხი წლის ბავშვის ცემა ბათუმის ბაღში: შსს-მ გამოძიება დაიწყო

ტელეკომპანიის ინფორმაციით, მედიკოსებს და მოქალაქეებს შორის დაპირისპირების მიზეზი მეტადონის პროგრამა გახდა.

რამდენიმე მოქალაქე პროგრამაში ჩართვის მიზნით კლინიკისგან სპეციალური ცნობის გაცემას ითხოვდა.

მედპერსონალმა მათ ამაზე უარი განუცხადა, რასაც კლინიკის კიბეებზე მამაკაცებსა და კლინიკის თანამშრომლებს შორის  ჩხუბი მოჰყვა. ადგილზე გამოძახებული იყო საპატრულო პოლიციაც.

„მეტადონის პროგრამაზე ჩვენ ფორმა „100-ს“ გავცემთ და ისიც იმ შემთხვევაში, თუ იქიდან აღრიცხვის ფურცელი მოაქვთ“, –განუცხადა ტელეკომპანიას კლინიკის ერთ–ერთმა თანამშრომელმა.

შემთხვევა ოთხშაბათს, დღის პირველ ნახევარში მოხდა. მომხდარ ფაქტთან დაკავშირებით, საქმე ხულიგნობის მუხით არის აღძრული.

ყველა ახალი ამბავი
0