00:27 18 ნოემბერი 2018
პირდაპირი ეთერი
  • EUR3.0268
  • 100 RUB4.0447
  • USD2.6727
დაკავება

კომერციული ბანკებისთვის ყალბი მონაცემების მიწოდებისთვის 21 პირი დააკავეს

CC BY 2.0 / Tar Sands Blockade / Darryl Hannah in Handcuffs
შემთხვევები
მოკლე ბმულის მიღება
შემთხვევები საქართველოში (1315)
58 0 0

ბრალდებულები ზოგ შემთხვევაში ყალბ სახელფასო ცნობებს წარადგენდნენ.

თბილისი, 12 სექტემბერი — Sputnik. საქართველოს ფინანსთა სამინისტროს საგამოძიებო სამსახურის თანამშრომლებმა კრედიტის უკანონოდ აღების ფაქტზე 21 პირი დააკავეს, ნათქვამია უწყების მიერ გავრცელებულ განცხადებაში.

საგამოძიებო სამსახურის თანამშრომლებმა დამნაშავეები 2018 წლის აგვისტოსა და სექტემბერში ამხილეს.

საქმის მასალებიდან ირკვევა, რომ დამნაშავეები კომერციულ ბანკებში განაცხადის შევსებისას სამუშაო ადგილისა და ანაზღაურების შესახებ ყალბ მონაცემებს უთითებდნენ, ზოგ შემთხვევაში კი ყალბ სახელფასო ცნობებს წარადგენდნენ.

გამოძიება მიმდინარეობს სსკ-ის 208-ე მუხლის პირველი ნაწილით („ბანკისათვის ან სხვა კრედიტორისათვის სამეურნეო ან ფინანსური მდგომარეობის შესახებ ყალბი ცნობის მიწოდება კრედიტის მიღების მიზნით"), რაც სასჯელის სახით ითვალისწინებს ორიდან ხუთ წლამდე ვადით თავისუფლების აღკვეთას.

თემები:
შემთხვევები საქართველოში (1315)

მთავარი თემები