თბილისი, 9 აგვისტო — Sputnik. თურქეთში საქართველოს ორი მოქალაქე დააკავეს, რომლებიც ქალზე ძალადობასა და ქურდობაში არიან ეჭვმიტანილი, იუწყება საზოგადოებრივი მაუწყებლის პირველი არხი.
თურქეთის პოლიციის ცნობით, ბრალდებულები 1 აგვისტოს ანტალიაში ერთ-ერთი სახლის მეპატრონეს დაესხნენ თავს, ქალს ფიზიკურად გაუსწორდნენ — ხელ-ფეხი შეუკრეს და სცემეს. შემდეგ კი სახლიდან ძვირფასი ნივთები გაიტანეს.
თავდამსხმელი სამი იყო — საქართველოს ორი და თურქეთის ერთი მოქალაქე. სამართალდამცველების ინფორმაციით, ეს უკანასკნელი მკვლელობაში ეჭვმიტანილი აღმოჩნდა.
ეჭვმიტანილებს პოლიციაში მიყვანისას მსხვერპლი და მათი ნათესავები დახვდნენ და ადგილზე ანგარიშსწორება სცადე, თუმცა ისინი პოლიციამ შეაჩერა.
დაპატიმრებულები წინასწარი დაკავების იზოლატორში გადაიყვანეს.
