თბილისი, 22 ივნისი — Sputnik. საქართველოს ფინანსთა სამინისტროს საგამოძიებო სამსახურის თანამშრომლებმა ბოლო ერთი თვის განმავლობაში კონტრაბანდის ოთხი ფაქტი გამოავლინეს და სამი პირი დააკავეს, ნათქვამია უწყების მიერ გავრცელებულ განცხადებაში.
საქმის მასალებიდან ირკვევა, რომ სამ შემთხვევაში სამეგრელო–ზემო სვანეთის რეგიონში ბრალდებულები შემდგომი რეალიზების მიზნით 4 360 კოლოფი უაქციზო სიგარეტის შენახვა-გადაზიდვას ახდენდნენ.
მეოთხე შემთხვევა კი ქვემო ქართლში დაფიქსირდა, სადაც სამართალდამცველებმა სარეალიზაციოდ გამზადებული 2,5 ათასი კოლოფი უაქციზო სიგარეტი ამოიღეს.
სიგარეტების საერთო ღირებულება 18 ათას ლარს აღემატება.
მომხდარ ფაქტზე გამოძიება მიმდინარეობს სსკ-ის მე-200 მუხლის მეორე ნაწილით ("მარკირებას დაქვემდებარებული დიდი ოდენობით აქციზური საქონლის აქციზური მარკის გარეშე შენახვა-გადაზიდვა-რეალიზაცია") მიმდინარეობს, რაც ითვალისწინებს ოთხიდან ექვს წლამდე ვადით თავისუფლების აღკვეთას.
