06:04 24 ოქტომბერი 2018
პირდაპირი ეთერი
  • EUR3.1063
  • 100 RUB4.1425
  • USD2.7082
პატრული

ქობულეთში პოლიციის უფროსი მოკლეს

© Sputnik / Alexander Imedashvili
შემთხვევები
მოკლე ბმულის მიღება
შემთხვევები საქართველოში (1231)
76801

ადგილობრივების თქმით, პოლიცია ხის გადატანის პროცესს აკონტროლებდა, რა დროსაც მკვლელი პოლიციელს ზურგიდან მიეპარა და სასიკვდილო ჭრილობები მიაყენა.

თბილისი, 15 ივნისი — Sputnik. სოფელ მუხაესტატეს პოლიციის განყოფილების უფროსი მოკლეს, იუწყება ტელეკომპანია Rustavi 2

შემთხვევა ქობულეთის მუნიციპალიტეტში გუშინ, გვიან ღამით მოხდა.

გავრცელებული ინფორმაციით, პოლიციის უფროსი 27 წლის მამაკაცმა ცივი იარაღით მაშინ დაჭრა, როდესაც სოფელ ცეცხლაურის გავლით საქართველოს ექს-პრემიერ ბიძინა ივანიშვილის დენდროლოგიურ პარკში ხის ტრანსპორტირება მიმდინარეობდა. ადგილობრივების თქმით, პოლიცია ხის გადატანის პროცესს აკონტროლებდა, რა დროსაც მკვლელი პოლიციის თანამშრომელს ზურგიდან მიეპარა და რამდენიმე სასიკვდილო ჭრილობა მიაყენა.

დაჭრილი ქობულეთის რეფერალურ საავადმყოფოში გადაიყვანეს, თუმცა მისი გადარჩენა ექიმებმა ვერ შეძლეს. იგი გამთენიისას გარდაიცვალა.

ამ დროისთვის დამნაშავე, რომელიც წარსულში წვრილმანი ხულიგნობისთვის არის ნასამართლევი, დაკავებულია.

მომხდარ ფაქტზე სისხლის სამართლის საქმე „განზრახ მკვლელობის" მუხლით არის აღძრული.

თემები:
შემთხვევები საქართველოში (1231)

მთავარი თემები