თბილისი, 14 ივნისი — Sputnik. ქუთაისში ხუთსართულიანი კორპუსის სახურავს ხანძარი გაუჩნდა, იუწყება ტელეარხი Imedi.
შემთხვევა ჭავჭავაძის ქუჩაზე დღეს, საღამოს მოხდა.
გავრცელებული ინფორმაციით, ხანძრის შედეგად არავინ დაშავებულა.
შემთხვევის ადგილზე ათამდე სახანძრო–სამაშველო და „სასწრაფო დახმარების“ ბრიგადები იყო მობილიზებული. მეხანძრეებმა ცეცხლის ლოკალიზება დროულად შეძლეს.
ცეცხლის გაჩენის მიზეზი, სავარაუდოდ, კორპუსში მიმდინარე სარემონტო სამუშაოებისას ელექტრო–შედუღებითი სამუშაოები გახდა.
მომხდართან დაკავშირებით გამოძიება სსკ-ის 188-ე მუხლით აღიძრა, რაც გულისხმობს სხვისი ნივთის დაზიანებას ან განადგურებას გაუფრთხილებლობით.
