01:11 18 აგვისტო 2018
პირდაპირი ეთერი
  • EUR2.9344
  • 100 RUB3.8267
  • USD2.5779
გორი

დატბორილი სახლები და ბაღები – წვიმამ საქართველოს რეგიონებიც დააზარალა

© FB / Gori Municipality City Hall
შემთხვევები
მოკლე ბმულის მიღება
საქართველოს რეგიონები (378)
125 0 0

უამინდობამ საქართველოს სამი რეგიონი - კახეთი, ქვემო ქართლი და შიდა ქართლი დააზარალა.

თბილისი, 12 ივნისი — Sputnik. გადაუღებელმა წვიმამ აღმოსავლეთ საქართველოს სამ რეგიონში სერიოზული პრობლემები შექმნა — დაიტბორა საცხოვრებელი სახლების პირველი სართულები, საკარმიდამო ნაკვეთები და ხეხილის ბაღები, იუწყება საზოგადოებრივი მაუწყებლის პირველი არხი.

კოკისპირული წვიმისა და სეტყვის შედეგად დაზარალდა გორის რაიონის რამდენიმე სოფელი, განსაკუთრებით მეჯვრისხევი და ახალუბანი.

უამინდობამ პრობლემები შექმნა რუსთავშიც. დაიტბორა რამდენიმე ქუჩა, რის გამოც გართულდა ტრანსპორტის გადაადგილება.

სეტყვის გამო დაზარალდა გურჯაანის რაიონის დასახლებული პუნქტები, განსაკუთრებით ძირკოკის, კოლაგის, ვეჯინის, ბაკურციხის, კარდენახისა და კალაურის მოსახლეობა.

ორშაბათს, საღამოს მოსულმა გადაუღებელმა წვიმამ თბილისშიც პრობლემები შექმნა — დაიტბორა ქუჩები, სავაჭრო ობიექტები, მიწისქვეშა გადასასვლელები და ავტოსადგომები.

თბილისში მთელი ღამის განმავლობაში სრულად იყო მობილიზებული სახანძრო-სამაშველო ბრიგადები.

თემები:
საქართველოს რეგიონები (378)

მთავარი თემები