კონტრაბანდა საქართველოში: ამოღებულია 14 ათასი ლარის ღირებულების სიგარეტი

© Pixabay / 4711018დაკავება
დაკავება - Sputnik საქართველო
გამოწერა
სამეგრელო-ზემო სვანეთის რეგიონში უაქციზო სიგარეტი ამოიღეს.

თბილისი, 15 მაისი — Sputnik. საქართველოს ფინანსთა სამინისტროს საგამოძიებო სამსახურის თანამშრომლებმა სამეგრელო–ზემო სვანეთის რეგიონში ჯგუფის მიერ დიდი ოდენობით უაქციზო სიგარეტის უკანონოდ გადაზიდვა-შენახვა-რეალიზაციის სამი ფაქტი გამოავლინეს და სამი პირი დააკავეს, ნათქვამია უწყების მიერ გავრცელებულ განცხადებაში.

სიგარეტის კოლოფები დახლზე - Sputnik საქართველო
საგამოძიებო სამსახურმა 3 050 კოლოფი უაქციზო სიგარეტი ამოიღო

საქმის მასალებიდან ირკვევა, რომ ორ შემთხვევაში ბრალდებულების ავტომობილებიდან ამოღებულია სხვადასხვა დასახელების 2 880 კოლოფი უაქციზო სიგარეტი. მესამე შემთხვევაში კი სამართალდამცველებმა ბრალდებულის საცხოვრებელი ბინიდან სარეალიზაციოდ გამზადებული 3 ათასი კოლოფი უაქციზო სიგარეტი ამოიღეს.

სიგარეტების საერთო ღირებულება 14 ათას ლარს აღემატება.

მომხდარ ფაქტზე გამოძიება სსკ-ის მე-200 მუხლის პირველი და მეორე ნაწილებით ("პირთა ჯგუფის მიერ მარკირებას დაქვემდებარებული დიდი ოდენობით აქციზური საქონლის აქციზური მარკის გარეშე გადაზიდვა-შენახვა-რეალიზაცია") მიმდინარეობს, რაც ითვალისწინებს ოთხიდან ექვს წლამდე ვადით თავისუფლების აღკვეთას.

ყველა ახალი ამბავი
0