ავარია ახალციხეში: დაიღუპა 30 წლის მამაკაცი, ერთი ადამიანი დაშავდა

© Sputnik / Alexander Imedashviliსასწრაფო სამედიცინო დახმარება
სასწრაფო სამედიცინო დახმარება - Sputnik საქართველო
გამოწერა
გარდაცვლილ მამაკაცს ორი მცირეწლოვანი შვილი დარჩა.

თბილისი, 21 აპრილი — Sputnik. ავტოსაგზაო შემთხვევის შედეგად ახალციხეში, სოფელ ხეოთთან ერთი ადამიანი გარდაიცვალა, ერთი კი დაშავდა, იუწყება ტელეკომპანია „იმედი“ (Imedi).

ადგილობრივების ინფორმაციით, Opel-ის მარკის მსუბუქი ავტომობილი სოფელ ხეოთიდან ახალციხის მიმართულებით მოძრაობდა, რა დროსაც მძღოლმა საჭე ვერ დაიმორჩილა და მოსახვევში ამოტრიალდა.

სასწრაფო დახმარების ბრიგადა გამოძახებაზე - Sputnik საქართველო
ავარია ოზურგეთში - ხუთი დაშავებული და ერთი გარდაცვლილი

ავტოსაგზაო შემთხვევის დროს მანქანაში სამი ადამიანი იმყოფებოდა. შემთხვევის შედეგად 30 წლის მამაკაცი ადგილზევე გარდაიცვალა. მძღოლმა ქვედა კიდურზე მრავლობითი დაზიანებები მიიღო. მანქანაში ასევე იმყოფებოდა 16 წლამდე მოზარდი, რომელიც უვნებელი გადარჩა. 

დაშავებული მძღოლი სასწრაფო სამედიცინო დახმარების ბრიგადამ ახალციხის რეფერალურ ჰოსპიტალში გადაიყვანა.

ადგილობრივების ინფორმაციით, გარდაცვლილს ორი მცირეწლოვანი შვილი დარჩა. 

შინაგან საქმეთა სამინისტროში მომხდარზე გამოძიება სსკ–ს 276–ე მუხლის პირველი ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.

ყველა ახალი ამბავი
0