მკვლელობისა და გაუპატიურების მცდელობისთვის ბრალდებულს 18 წელი მიესაჯა

© photo: Sputnik / Alexey Kudenko / გადასვლა მედიაბანკშიციხე
ციხე - Sputnik საქართველო
გამოწერა
ბოროტმოქმედმა მამიდაშვილი გაუპატიურების მცდელობის კვალის დასაფარად მოკლა

თბილისი, 16 აპრილი — Sputnik. თბილისის საქალაქო სასამართლომ 23 წლის მამაკაცს გაუპატიურების მცდელობისა და განსაკუთრებული სისასტიკით ჩადენილი მამიდაშვილის მკვლელობისთვის 18 წლით პატიმრობა შეეფარდა, ნათქვამია სასამართლოს ვებგვერდზე გავრცელებულ განცხადებაში.

შემთხვევა თბილისში, უზნაძის ქუჩაზე მოხდა.

საქართველოს პარლამენტის შენობა - Sputnik საქართველო
„ევროპული საქართველო“ შემაკავებელი ორდერის ნაცვლად მოძალადის დაკავებას მოითხოვს

საქმის მასალების მიხედვით, 2017 წლის 16 ივლისს ბრალდებული შეეცადა 19 წლის მამიდაშვილთან სქესობრივი კავშირის დამყარებას. გოგონას მიერ გაწეული წინააღმდეგობის გამო მან ჩანაფიქრის ასრულება ვერ შეძლო.

ამ შემთხვევის დაფარვის მიზნით, ბრალდებულმა გოგონას დანით 35 ნაკვეთ-ნაჩხვლეტი ჭრილობა მიაყენა და საძილე არტერია და ვენები დაუზიანა. გოგონა სისხლისგან დაიცალა და ადგილზე გარდაიცვალა.

სამართალდამცველებმა ბრალდებული მკვლელობის მეორე დღეს ფოთში დააკავეს. მკვლელობის იარაღი — დანა, ნივთმტკიცების სახით ამოიღეს.

დახურულ სასამართლო სხდომაზე ბრალდებულმა მკვლელობა აღიარა, თუმცა დამამძიმებელი გარემოებები და გაუპატიურების მცდელობა უარყო.

გიორგი მარგველაშვილი - Sputnik საქართველო
პრეზიდენტი ძალადობრივ დანაშაულზე მსჯავრდებულების შეწყალებას დროებით წყვეტს

სასამართლომ გადაწყვეტილება მიიღო მოწმეების, ექსპერტიზის დასკვნისა და სხვა მტკიცებულებებიდან გამომდინარე.

„გაუპატიურების მცდელობისათვის წარდგენილ ბრალდებაში სასამართლომ ბრალდებულს 7 წლით, ხოლო დამამძიმებელ გარემოებებში ჩადენილი მკვლელობისთვის სასჯელის სახედ და ზომად 18 წლით თავისუფლების აღკვეთა განუსაზღვრა. საბოლოოდ, სასჯელთა შთანთქმის პრინციპის გამოყენებით, მსჯავრდებულს 18 წლით თავისუფლების აღკვეთა განესაზღვრა, პენიტენციურ დაწესებულებაში მოხდით“, — ნათქვამია სასამართლოს ვებგვერდზე გავრცელებულ განცხადებაში.

 

ყველა ახალი ამბავი
0